სოფელ გლოლაში გლოვაა. სოფელში სტიქიის შედეგად გარდაცვლილი გენადი სულთანიშვილის და სოფო ბაკურაძეს ემშვიდობებიან.
სამოქალაქო პანაშვიდი სოფლის სკოლის ეზოში გაიმართა.
გენადი სულთანიშვილსა და სოფო ბაკურაძეს საგვარეულო სასაფლაოზე დაკრალავენ.
ცნობისთვის, სტიქიის ზონაში სამძებრო სამუშაოები მეცამეტე დღეა აქტიურად მიმდინარეობს. ამ დროისთვის სტიქიის ეპიცენტრში, მიწის მასის 90 % გადამოწმებულია. სამძებრო ღონისძიების ფარგლებში ნაპოვნია 25 ადამიანის ცხედარი და 8 პირთან დაკავშირებით გრძელდება სამძებრო სამუშაოები.
